aah ko chaahiye ek umr asar hone tak

aah ko chaahiye ek umr asar hone tak

kaun jiitaa hai terii zulf ke sar hone tak

daam har mauj me.n hai halqaa-e-sad_kaam-e-nahang 

dekhe.n kyaa guzare hai qatare pe gauhar hone tak 

aashiqii sabr-talab aur tamannaa betaab
dil kaa kyaa ra.ng karuu.N Khoon-e-jigar hone tak

hamane maanaa ke taGaaful na karoge lekin
Khaak ho jaaye.nge ham tum ko Khabar hone tak

partav-e-Khuur se hai shabanam ko fanaa kii taaliim

mai.n bhii huu.N ek inaayat kii nazar hone tak 

yeh nazar besh nahii.n furasat-e-hastii Gaafil
garmii-e-bazm hai ik raqs-e-sharar hone tak

Gam-e-hastii kaa 'asad' kis se ho juz marg ilaaj
shamaa har ra.Ng me.n jalatii hai sahar hone tak

Mirzaa Ghaalib