Sach ka zaher..

apanii zulfo.n ko sitaaro.n ke havaale kar do 
shahar-e-gul baadaagusaaro.n ke havaale kar do 

talKhi-e-hosh ho yaa mastii-e-idaraak-e-junuu.N 
aaj har chiiz bahaaro.n ke havaale kar do 

mujh ko yaaro na karo rah_numaao.n ke supurd 
mujh ko tum rah_guzaaro.n ke havaale kar do 

jaagane vaalo.n kaa tuufaa.N se kar do rishtaa 
sone vaalo.n ko kinaaro.n ke havaale kar do 

merii taubaa kaa bajaa hai yahii ejaaz "Adam" 
meraa saaGar mere yaaro.n ke havaale kar do 

Abdul Hameed "Adam"