bahut dil karke honTo.n ki shugufta taazgi di hai

bahut dil karke honTo.n ki shugufta taazgi di hai
chaman maanga tha par usne bamushqil ek kali di hai

mere khalwat kade k raat dil yun hi nahi sanwre
kisi ne dhoop bakhshni hai hai kisi ne chaandni di hai

nazar ko sabz maidaano ne kya kya wusate bakhshi.n
pighalte aabshaaro ne hame dariyadili di hai

muhabbat naarwaa taqseem ki kaayal nahi fir bhi
meri aankho ko aansu tere hontho ko hansi di hai

kaha.n mumkin tha koi kaam hum jaise deewano se
tumhi ne geet likhwaaye tumhi ne shaayri di hai


Jaa.n Nisaar Akhtar