Dharam ki baansuri se raag nikle

Dharam ki baansuri se raag nikle
vo sooraakhoN se kaale naag nikle

Rakho Dair o Haram ko ab muqaffal
Kayi paagal yahan se bhaag nikle

Wo ganga jal ho ya ho aab-e-zam zam..
Yeh wo paani hain jinse aag nikle

Khuda se le liya jannat ka waada..
Yeh Zaahid to bade hi ghaag nikle

Hai aakhir aadmiyat bhi koi shey
Tere darbaan to "Bull Daagh" nikle

Yeh kiya andaaz hai ae nukta cheeno
Koi tanqeed to bey laag nikley

Pilaaya tha hameiN amrit kisi ne
Magar munh se lahu k jhaaag nikle

Jaun Elia