Do ghontt ka aay saqi ilzaam nahi longa

Do ghontt ka aay saqi ilzaam nahi longa
main tashna labi de kar aik jaam nahi longa

Izhaar e tamanna hi tauheen e tamanna hai
tum khud hi samajh jao main naam nahi longa
...
Jo shaam jagati ho jo subha sulati ho
wo subha nahi longa wo shaam nahi longa

Aay ehl e chaman! Rakh lo ye tohfa e gul apna
mujh ko mera haq dai do inaam nahi longa

Main raah k saayon se khairaat e sukoon kya lon
manzil se bhi maange ga aaram nahi longa

Aik sajda e masti ki taufeeq ata karde
phir apni jabeen se main kuch kaam nahi longa

Likhon ga Fana jab main afsana muhabbat ka
aaghaz to le longa anjaam nahi longa

Fanaa Kaanpuri