duur se duur talak ek bhii daraKht na thaa

duur se duur talak ek bhii daraKht na thaa
tumhaare ghar kaa safar is qadar to saKht na thaa

itane masaruuf the ham jaane kii taiyaarii me.n
kha.De the tum aur tumhe.n dekhane kaa vaqt na thaa

mai.n jis kii khoj me.n Khud kho gayaa thaa mele me.n
kahii.n vo meraa hii ehasaas to kam_baKht na thaa

jo zulm sah ke bhii chup rah gayaa na Khaul uThaa
vo aur kuchh ho magar aadamii kaa rakt na thaa

unhii.n faqiiro.n ne itihaas banaayaa hai yahaa.N
jin pe itihaas ko likhane ke liye vaqt na thaa

sharaab kar ke piyaa us ne zahar jiivan bhar
hamaare shahar me.n 'Neeraj'-saa ko_ii mast na thaa




Gopaal Daas "Neeraj"