Hasrat-e-deed me guzraN haiN zamaane kab se......
Dast-e-ummid me gardaN haiN diwane kab se......
Der se aankh pe utara nahi ashqoN ka azaab,
Apne jimme hai tera qarz na jaane kab se.....
Kis tarah paar ho beaarzu lamhoN ka hisaaab,
Dard aaya nahi darbaar sajaane kab se....
Sur karo saaz k chheDo koi dilsoz ghazal,
Dhundhta hai dil-e-shoriida bahaane kab se.....
Pur karo jaam ki shayad ho koi lahja rawaN,
Rok rakkha hai ik teer kazaa ne kab se.....
'Faiz' phir kisi maqtal me karenge aabad,
Lab pe viiraN hai shaheedoN k fasaane kab se....
Faiz Ahmad Faiz
Comments
Post a Comment