Sach ka zaher..

Hum se wo jaan e suKhan rabte nawaa chaahti hai,
chaand hai aur charaagho.n se ziyaa chaahti hai

us ko rahtaa hai humeshaa miri wahshat kaa kHayaal,
mere gum gushtaa ghzaalo.n ka pataa chaahti hai

main ne itnaa use chaahaa hai ke jaan e muraad,
kHud ko zanjeer e mohabbat se rihaa chaahti hai

chaahti hai ke kahi.n mujh ko bahaa kar le jaaye,
tum se baDh kar to mujhe mauj e fanaa chaahti hai

rooh ko rooh se milne nahi.n detaa hai badan,
kHair ye beech ki deewaar giraa chaahti hai

hum parindo.n se ziyaadaa to nahi.n hain aazaad,
ghar ko chalte hain ke ab shaam hawaa chaahti hai

hum ne in lafzo.n ke peeche hi chupaayaa hai tujhe,
aur aankho.n se teri tasveer banaanaa chaahti hai

Irfaan Siddiqui