Husn ko behijaab honaa thaa

Husn ko behijaab honaa thaa,
shauq ko kaamyaab honaa thaa

hijr mein kaife iztaraab naa pooch,
khoon e dil bhi sharaab honaa thaa

tere jalwo.n mein Ghir gayaa aakhir,
zarre ko aaftaab honaa thaa

kuch tumhaari nigaah kaafir thi,
kuch mujhe bhi kharaab honaa thaa

raat taaro.n kaa TooTnaa bhi ''majaaz'',
baa'ise iztaraab honaa thaa

Asraar Ul Haq ''Majaaz''