ik hunar hai jo ker gaya hoon main,

ik hunar hai jo ker gaya hoon main,
sab k dil say utar gaya hoon main,

kesay apnee hansee ko zabt karoon,
sun raha hoon k ghar gaya hoon main,

kia bata'oon k mar nahee paata,
jeetay jee jab say mar gaya hoon main,

ab hai bus apna saamna darpaysh,
her kisee say guzar gaya hoon main,

vohee naaz-o-ada, vohee ghumzay,
sar-ba-sar aap per gaya hoon main,

'ajab ilzaam hoon zamanay ka,
k yahan sab k sar gaya hoon main,

kabhee khud tak pohonch nahee paya,
jab k waan, 'umr bhar gaya hoon main,

tum say jaanan mila hoon jis din say,

be-taraf, khud say dar gaya hoon main,

koo-e-jaanan mein sog berpaa hai,
k achanak sudhar gaya hoon main,


Jaun Eliya