inqelaab ik khwaab hai, so hai

inqelaab ik khwaab hai, so hai
dil kee duniya kharab hai, so hai

rahiyo tu yoonhe mehw-e-aara'ish
bahaar ik izteraab hai, so hai

tar hai dasht us k 'aks-e-manzar se
or khud vo saraab hai, so hai

jo bhee dasht-e-talab ka hai pas-ro
vohi zarreen-rakaab hai, so hai

shekh saahab liye phire tegha
barahman fatah-yaab hai, so hai

deher aashob hai sawaalon ka
or khuda la-jawaab hai, so hai

us shab-e-teera-e-humeshaa mein
roshni aik khwaab hai, so hai



Jaun Eliya