Ishqo junoo.n ki kyaa ab tadbeer hai munaasib,

Ishqo junoo.n ki kyaa ab tadbeer hai munaasib,

zanjeer hai munaasib shamsheer hai munaasib

doori aye sholaakHoo.n, yaa.n aakHir jalaa rakhegi,

suhbat jo aisi howe dargeer hai munaasib

ruswaa e shaher hona izzat hai aashiqui mein,

ahwaal ki humaare tash'heer hai munaasib

dil ki kHaanaa kharaabi ke tu dar pai hai aye sanam kyun,

is kHaanaa e kHudaa ki taameer hai munaasib

hai guzasht apni na nivishtani hi behtar,

guzri so guzri kya ab tahreer hai munaasib

duniyaa mein koi phir phir aayaa nahi.n hai saahib,

ik baar tum ko marnaa aye ''Meer'' hai munaasib

Meer Taqi Meer