kare dariyaa na pul mismaar mere

kare dariyaa na pul mismaar mere

abhii kuchh log hai.n us paar mere 

bahut din guzare ab dekh aa_uu.N ghar ko 
kahe.nge kyaa dar-o-diivaar mere 

vahii.n suuraj kii nazare.n thii.n ziyaadaa 
jahaa.N the pe.D saayaadaar mere 

vahii ye shahar hai to shahar vaalo 
kahaa.N hai kuuchaa-o-baazaar mere 

tum apanaa haal-e-mahajuurii sunaao 
mujhe to khaa gaye aazaar mere 

jinhe.n samajhaa thaa jaan_paravar mai.n ab tak 
vo sab nikale kafan bar_daar mere  

guzarate jaa rahe hai.n din havaa se 
rahe.n zindaa salamaat yaar mere 

dabaa jis se usii patthar me.n Dhal kar 
bike chehare sar-e-baazaar mere 

dariichaa kyaa khulaa merii Gazal kaa 
havaaye.n le u.Dii ashaar mere 

Mahshar Budaayuni