Sach ka zaher..

Khvaab thaa yaa Khayaal thaa, kyaa thaa?
hijr thaa yaa visaal thaa, kyaa thaa?

mere pahluu meN raat jaakar vo
maah thaa yaa hilaal thaa, kyaa thaa?

chamkii bijlii sii par na samjhe ham
husn thaa yaa jamaal thaa, kyaa thaa?

jisko ham roz-e-hijr samjhe the
maah thaa, vo saal thaa, kyaa thaa?

“Mus'hafi” shab jo chup tuu baiThaa thaa
kyaa tujhe kuch malaal thaa, kyaa thaa?

Ghulaam Hamdani "Mus'hafi"