mar mita hoon khayal per apnay

mar mita hoon khayal per apnay
wajd aata hai haal per apnay

abhee mat deejiyo jawab k men
jhoom to loon sawaal per apnay

'umr bhar apnee aarzoo kee hai
mar na ja'oon wisaal per apnay

ik 'ata hai meree hawas-nigahee
naaz ker khad-o-khaal per apnay

apna shoq aik hayla-saaz, so ab
shak hai os ko jamal per apnay

janay is dum vo kis k mumkin ho
behes mat ker, muhaal per apnay

tu bhee aakhir kamaal ko pohoncha
mast hoon men, zawaal per apnay

khud pe nadim hoon 'jon'! ya'nee men
in dinon hoon, kamaal per apnay

bus yoonhe meraa gaal rakhnay day
meree jaan! aaj gaal per apnay

ko'ee haalat to 'etebaar mein hai
khush huwa hoon, malaal per apnay

Jaun Eliaa