Sach ka zaher..

Marne ki duwaaye.n kyun maa.ngoo.n, jeene ki tamanna koun kare,
ye duniyaa ho yaa wo duniyaa, ab khwaahise duniyaa koun kare

jab kashti saabito saalim thi, saahil ki tamanna kisko thi,
ab aisi shikastaa kashti par saahil ki tamanna koun kare

jo aag lagaayi thi tumne, usko to bujhaayaa ashko.n ne,
jo ashko.n ne bhaDkaayi hai, us aag ko thanDaa koun kare

duniyaa ne hume.n choDaa ''Jazbi'', hum choD na de.n kyun duniyaa ko,
duniyaa ko samajh kar baiThe hai ab duniyaa duniyaa koun kare

Moin Ehsan ''Jazbi''