Labels

bujh gayaa dil hayaat baaqii hai 

bujh gayaa dil hayaat baaqii hai 
chhup gayaa chaa.Nd raat baaqii hai 

hal-e-dil un se kah chuke sau baar 
ab bhii kahane kii baat baaqii hai 

raat baaqii thii jab vo bichha.De the 
kaT ga_ii umr raat baaqii hai 

ishq me.n hum nibhaa chuke sab se,
bas ye zaalim hayaat baaqii hai

Khumaar Baaraabankwi
Labels:

Comments

Post a Comment

Popular Posts