adab ki had mein hoon be-adab nahi hota
tumhara tazkarah ab roz-o-shab nahi hota
kabhi kabhi to chalak parti hain yunhi aankhen
udaas honay ka koi sabab nahi hota
kai ameeron ki mehromiyaan na pooch k bas
ghareeb hone ka ehsaas ab nahi hota
main waledain ko ye baat kaisay samjhaon
mohabbat mein has'b nas'b nahi hota
wahan k log bare dil-faraib hote hain
mera behakna bhi koi ajab nahi hota
main us zameen ka deedar karna chahta hoon
jahan kabhi bhi Khuda ghazab nahi hota
Bashir Badr
Comments
Post a Comment