Sach ka zaher..

Ajab shaan e qudrat tumhaari nigaahe.n,
kHudaa ki hai rahmat tumhaari nigaahe.n

GhaDi mein banaaye.n, GhaDi mein bigaaDe.n
Zamaane ki qismat tumhaari nigaahe.n

hume.n koi jannat ki kHwaahish nahi.n hai,
bahut kHoobsurat tumhaari nigaahe.n

zamaane ki dair o haram ho.n mubaarak,
humaari ibaarat tumhaari nigaahe.n

hai aainaa bhi jis ki zoowe munawwar,
jamaal haqeeqat tumhaari nigaahe.n

sivaa inke aakHir hume.n chaahiye kyaa
do aalam ki daulat tumhaari nigaahe.n

kHayaal aur kaa hum ko laaye bhi kaise,
nahi.n deti.n mohlat tumhaari nigaahe.n

humeshaa jo ''izhaar'' ko aazmaaye.n,
hain kaisi qayaamat tumhaari nigaahe.n

Izhaar Shaadaani