TaskiiN ko ham na royeN jo Zauq-e-nazar mile

TaskiiN ko ham na royeN jo zauq-e-nazar mile.....
Hooraan-e-khuld me tiri soorat magar mile.....

Apni gali me mujhko na kar dafn baad-e-qatl,
Mere pate se khalq ko kyoN tera ghar mile......

SaaqiGari ki sharm karo aaj, warn: ham,
Har shab piya hi karte haiN may jis qadar mile.....

Tujhse to kuchh kalaam nahi lekin ae Nadeem,
Mera salaam kahiyo agar naam:bar mile......

Tujhko bhi ham dikhaayeN ki MajnuN ne kya kiya,
Fursat Kashaakash-e-ghum-e-pinhaaN se gar mile....

Laazim nahi ki Khizr ki ham pairavi kareN,
Maana ki ik buzurg hameN hamsafar mile......

Ae Saakinaan-e-koocha-e-dildaar dekhna,
Tumko kahiN jo Ghalib-e-aashuft: sar mile.....!!


{Meaning and Explanation:
Visit This link for Different explanations of each sher of this ghazal. click on the number written before every sher, And see meanings and explanation (e.g. {159,1}}