Dil muqaddar madaam kaa niklaa

Dil muqaddar madaam kaa niklaa,

kab ye aainaa kaam kaa niklaa

miT gayi rasmo raah bhi unse,

ye ye nateejaa payaam kaa niklaa

bahes thi maykashi meinzaahid se,

uzr maahe sayaam kaa niklaa

wasl ki unse ho gayi ummeed,

silsilaa jab kalaam kaa niklaa

gaaliyaa.n sunte hain du'aa dekar,

kHoob pahlu kalaam kaa niklaa

dil ke milne ki phir ummeed nahi.n,

ye agar uske kaam kaa niklaa

sach to ye hai ke aashiqui mein ''Daagh'',

ek hi apne naam kaa niklaa

Daagh