hoti hai tere naam se wehshat kabhi kabhi
barham hui hai yun bhi tabiyat kabhi kabhi
aay dil kisay naseeb ye taufeeq-e-istaraab
milti hai zindagi mein ye rahat kabhi kabhi
...
tere karam se hai aay alam husan aafreen
dil ban gaya hai dost ki khilwat kabhi kabhi
josh junoon mein dard ki tughyaniyon k saath
ashkon mein dhal gai teri surat kabhi kabhi
tere qareen reh k bhi dil mutma'in na tha
guzri hai mujh pe ye bhi qayamat kabhi kabhi
kuch apna hosh tha na tumhara khayal tha
yun bhi guzar gai shab-e-furqat kabhi kabhi
aay dost hum ne tark-e-mohabbat k bawajood
mehsoos ki hai teri zaroorat kabhi kabhi
Naasir Kaazmi
Comments
Post a Comment