Jo dil pe guzarti hai wo samjhaa nahin sakte,

Jo dil pe guzarti hai wo samjhaa nahin sakte,
hum dekhne waalo.n ko nazar aa nahi.n sakte

be qaid e rasoom aayi hain gulshan mein bahaaren,
ab haath girebaa.n ki taraf jaa nahi.n sakte

rangeeniye mustaqbil e raushan hai nazar mein,
hum talkhiye maahoul se ghabraa nahin sakte

maghroor na ho fasl e khizaa.n aake chaman mein,
aise bhi hain kuch phool ke murjhaa nahin sakte

Maana ke tere lutf e karam khwaab hain lekin,
har shakhs ko ye khwaab nazar aa nahin sakte

Tafseer e do aalam hai ''shakeel'' apnaa taghazzul,
maidaan e ghazal chhoD ke hum ja nahin sakte

Shakeel Budaayuni