KHushqadaa jab sawaar hote hain,

KHushqadaa jab sawaar hote hain,

sarvo qumri shikaar hote hain

tere baalo.n ke wasf mein meee,

sher sab pechdaar hote hain

sadqe ho leve.n ek dum tere,

phir to tujh par nisaar hote hain

haft iqleem har gali hai kahi.n,

dilli se bhi dayaar hote hain

raftaa raftaa ye tifle kHushzaahir,

fitnaa e rozgaar hote hain

uske nazdeek kuch nahi.n izzat

''meerji'' yun hi kHwaar hote hain

Meer Taqi Meer