mohabbaton mein dikhaawe ki dosti na mila
ager gale nahi milta to haath bhi na mila
gharon pe naam thay, naamon k saath ohday thay
bohat talaash kiya koi aadmi na mila
...
tamaam rishton ko main gher pe chorr aaya tha
phir us k baad mujhe koi ajnabi na mila
Khuda ki itni bari kainaat mein, maine
bas eik shakhs ko maanga mujhe wohi na mila
bohat ajeeb hai ye qurbaton ki doori bhi
wo mere saath raha aur mujhe kabhi na mila
Basheer Badar
Comments
Post a Comment