musalsal be-kali dil ko rahi hai!
magar jeene ki surat to rahi hai
main kyon phirta hoon tanha maara maara
ye basti chain se kyon soo rahi hai
...
chale dil se umeedon k musafir
ye nagri aaj khaali ho rahi hai
na samjho tum isay shor-e-baharan
khizan patton mein chup ker roo rahi hai
humare ghar ki deewaron pe Nasir
udaasi baal khole soo rahi hai
Naasir Kaazmi
Comments
Post a Comment