na manzile.n thii.n, na kuchh dil me.n thaa, na sar me.n thaa

na manzile.n thii.n, na kuchh dil me.n thaa, na sar me.n thaa
ajab nazaara-e-laa-simtiyat nazar me.n thaa

etaab thaa kisii lamhe ka ik zamaane par
kisii ko chain na baahar thaa aur na ghar meN thaa

chhupaa ke le gayaa duniaa se apne dil ke ghaav
ki ik shakhs bohat taaq is hunar me.n thaa

kisii ke lauTne kii jab sadaa sunii to khulaa
ki mere saath koii aur bhii safar me.n thaa

jhijhak rahaa thaa voh kahne se koii baat aisii
mai.n chup khaDaa thaa ki sab kuchh merii nazar me.n thaa

abhii na barse the "Baani" ghire hue baadal
mai.n uDtii Khaak kii maanind rahguzar me.n thaa


Rajinder Manchanda Baani