kuch aisi baat thi ke sambhalne se reh gaya

kuch aisi baat thi ke sambhalne se reh gaya
main badmizaaj god me palne se reh gaya.

ik bazm apne aap se mehroom ho gayi.
ik barf ka pahaad pighalne se reh gaya.

choti si ek naukari zanjeer ban gayi.
masjid me ik charaagh tha jalne se reh gaya.

maqtool apni maut ka khud zimmedar hai.
pocha to apna naam badalne se reh gaya.

ik din bhi bewafaai ki lazzat nahi mili.
aankhon me ashq bhar ke nikalne se reh gaya

Ahmad Kamaal Parwaazi