gham hai na gham ki baat hai.

gham hai na gham ki baat hai.
tere qaram ki baat hai.

khuld me aur sharaab-e-naab.
sheikh-e-haram ki baat hai.

kisko yaqeen aayega.
dair-o-haram ki baat hai.

pahunchi hai mayqade talak.
kis mohtaram ki baat hai.

pardanashee.n hai husn-e-dost.
deeda-e-kam ki baat hai.

vo bhi sitam se baaz aaye.
ye bhi sitam ki baat hai.

bakhsha gaya "hayaat" bhi.
husn-e-qaram ki baat hai.