Shamsheer meri, meri sipar kiske paas hai,

Shamsheer meri, meri sipar kiske paas hai,

do mera khud, par, mera sar kiske paas hai

darpesh ek kaam hai, himmat ka saathiyon ka,

kasnaa hai mujhko, meri kamar kiske paas hai,

taari ho mujhpe, kaun si haalat mujhe bataao,

mera hisaab-e-nafaa-o-zarar kiske paas hai,

ae ahl-e-shehar, main to duaago-o-shehar hoon,

lab par mere duaa hai, asar kiske paas hai,

daad-o-sitad ke shehar men, hone ko aayi shaam,

khawaaish hai mere paas, khabar kiske paas hai,

purhaal hoon, pa soorat-e-ehwaal kuch nahin,

hairat hai mere paas, nazar kiske paas hai,

ik aaftaab hai meri, jeb-e-nigaah men,

pehnaaiye, namood-e-sehar kiske paas hai,

qissa kishwar ka nahin, koshak ka hai ki hai,

darwaaza sabke paas hai, ghar kiske paas hai,

mehmaan-e-qasr hain, humen kuch ramz chahiye,

ye pooch ke bataao khandar kiske paas hai,

uthlaa sa naaf-e-piyaala, hamaari nahin talaash,

ae ladkiyon bataao, bhanwar kiske paas hai,

naakhun badhe hue hain mere, mujhse kar hazar,

ye jaa ke dekh nailcutter kiske paas hai,

yaara, ajaraa mazaa rah-e-shehar-e-haraamiyaan,

is shehar ki kalid-e-hunar kiske paas hai,

Jaun Eliaa