Tum bhi rehne lage khafaa saahib

Tum bhi rehne lage khafaa saahib
KahiN saaya mera paRaa saahib?

Hai ye banda hi be'wafaa saahib
Ghair aur tum bhale, bhalaa saahib

KiyuN ulajhte ho jumbish-e-lab se?
Khair hai! main ne kya kahaa saahib?

Kis se bigRe they, kis pe ghussa tha?
Raat tum kis pe they khafaa saahib?

Kis ko dete they gaaliyaaN laakhoN?
Kis ka shab, zikr-e-khair thaa saahib?

Naam-e-ishq-e-butaaN na lo Momin
Kijiye bass khudaa khudaa saahib

Momin Khan Momin