un kii beruKhii me.n bhii iltefaat shaamil hai

un kii beruKhii me.n bhii iltefaat shaamil hai
aaj kal merii haalat dekhane ke qaabil hai

qatl ho to meraa saa maut ho to merii sii
mere sog_vaaro.n me.n aaj meraa qaatil hai

muztarib hai.n mauje.n kyuu.N uTh rahe hai.n tuufaa.N kyuu.N
kyaa kisii safiine ko aarazuu-e-saahil hai

sirf rah_zan hii se kyuu.N "Ameer" shikvaa ho
manzilo.n kii raaho.n me.n raah_bar bhii shaamil hai 

 Ameer Qazalbaash