ye ajab sa'at-e- rukhsat hai k dar lagta hai

ye ajab sa'at-e- rukhsat hai k dar lagta hai
shehar ka shehar mujhe rakht-e-safar lagta hai

hum ko dil ne nahi halaat ne nazdeek kiya
dhoop mein door se her shakhs shajar lagta hai

jis pe chalte hue soocha tha k laut aaon ga
ab wo rasta bhi mujhe shehar badar lagta hai

mujh se to dil bhi mohabbat mein nahi kharch hua
tum to kehte thay k is kaam mein gher lagta hai

waqt lafzon se banai hui chaadar jaisa
orrh leta hoon to sab khuwaab hunar lagta hai

eik muddat se meri maa nahi sui Taabish
maine eik baar kaha tha mujhe dar lagta hai

Abbas Taabish