zakhm e umeed bhar gaya kab ka

zakhm-e-ummeed, bhar gaya kab ka
qais to apney ghar gaya kab ka

aap ik aur neend ley lijiey
qaafla kooch kar gaya kab ka

dukh ka lamha, azal abad lamha
waqt ke paar utar gaya kab ka

apna munh ab to mat dikhao mujhay
nasiho, maiN sudhar gaya kab ka

nassha honey ka bey-tarah tha kabhi
par wo zalim utar gaya kab ka

aap ab poochney ko aaey haiN?
dil meri jaan, mar gaya kab ka!
 

Jaun Eliaa