Ab kahaan jaa ke ye samjhaaye.n ke kyaa hotaa hai

Ab kahaan jaa ke ye samjhaaye.n ke kyaa hotaa hai

ek aansu jo sar e chashm e wafaa hotaa hai

Is guzargaah mein is dasht mein aye zazbaa e ishq

juz tere koun yahaan aablaa paa hotaa hai

dil ki mehraab mein ik sham'aa jali thi sar e shaam

subah dum maatam e arbaab e wafaa hotaa hai

deep jalti hain mein ke chitaa jalti hai

ab ki deewaali mein dekhenge ke kyaa hotaa hai

jab barasti hai teri yaad ki rangeen phuhaar

phool khilte hain dar e maikadaa waa hotaa hai

MakHdoom Muhi Uddin