Ab mire dil mein koi teer nahin

Ab mire dil mein koi teer nahin
ghar ki deewaar pe tasveer nahin

aankh khulte hi milenge aansoo
aur kuch kHwaab ki taabeer nahin

koi to saath humaaraa detaa
shaher mein kyaa koi dilgeer nahin

ek andhe ki nazar hai rastaa
door tak koi bhi rahgeer nahin

waqt ki qaid bhi baaqi naa rahi
ab to lamho.n ki bhi zanjeer nahin

koi aa jaaye to ban jaataa hai
warnaa dil ki koi taameer nahin

Mohammad Alvi