Ajab anjaan lafzo.n se bhari hai

Ajab anjaan lafzo.n se bhari hai
lughat hai yaa humaari shaa'iri hai

nahin hai ghar mein aisaa bhi nahin hai
faraaghat taaqe nisyaa.n meim dhari hai

bahut ji chaahtaa hai kood jaaye.n
sunaa hai is kowe.n mein ik pari hai

lahu mein dauDti hain lizzate.n si
rag e jaa.n mein ghazab ki tharthari hai

kHudaa ki sarzamee.n hai is se aage
ye tanhaayi kaa dariyaa aakHiri hai

bahut mumkin hai gul le aaye ''Alvi''
abhi ik shaakH is dil ki hari hai

Mohammad Alvi