akele hain wo aur jhunjhlaa rahe hain

akele hain wo aur jhunjhlaa rahe hain
meri yaad se jung farmaa rahe hain

ilaahi mere dost ho.n kHairiyat se,
ye kyun ghar mein patthar nahin aa rahe hain

ye kaisi hawaa e taraqqi chali hai
diye to diye dil bujhe jaa rahe hain

bahut kHush hain gustaakHiyo.n par humaari
bazaahir jo barhum nazar aa rahe hain

bahisht e tasavvur ke jalwe hain main hoon
judaai salaamat maze aa rahe hain

qayaamat ke aane mein rindo.n ko shak thaa
jo dekhaa to waaiz chale aa rahe hain

bahaaro.n mein bhi mai se parhez taubaa
"Khumaar" aap kaafir hue jaa rahe hain

Khumaar Baaraabankwi