Dhoop Hun Parchaain Hun Ya Koi Badal Shaks Hun

Dhoop Hun Parchaain Hun Ya Koi Badal Shaks Hun
Tujh Nazr Ke Zaaviye Hain Main To Oojhal Shaks Hun

Tujh Ko Ginta Hun Main Apne Aap Main Is Wastey
Ta Ke Duniya Ko Bata Paaon Mukammal Shaks Hun

Dost ! Mera Ma'asla Kuch Mukhtalif Hai Pairr Se
Wo Phalon Se Aur Main Yaadon Se Bojhal Shaks Hun

Raakh Hone Tak Tujhe Jaane Nahi Dunga Kahein
To Bharakti Aag Hai To Main Bhi Jungal Shaks Hun

Tou Ne Apna Ma'asla Chora Hai Meri Aankh Par
Aay Jamaal E Yaar ! Main Tou Khud Se Oojhal Shaks Hun

Abbaas Taabish