Dil khenchaa halaaki ko, nipat khench kasaada,

Dil khenchaa halaaki ko, nipat khench kasaada,

le yaar mere salmaa-e-allah ta`aala,

Kuch main nahin us dil ki pareshaani ka bais,

barham hi mere haath laga tha ye risalaa,

m`aamoor sharabon se, kabaabon se hai sab dair,

masjid men hai kya shekh piyaala na niwaala,

guzre hai lahoo waan sar-e-harkhaar se ab tak,

jis dasht men phoota hai mere paaon ka chaala,

gar qasd idhar ka hai, to tuk dekh ke aana,

ye dair hai, zahhad, na ho khaana-e-khaala,

jis ghar men tere jalwe se ho chaandani ka farsh,

waan chaadar-e-mehtaab hai, makdi ka sa jaala,

dushman na kadoorat se, mere saamne ho jo, 

talwaar ke ladne ko, mere kijo hawaala,

namos mujhe saafi-e-tainat ki hai warnaa,

rustam ne meri teg ka hamlaa na sambhalaa,

dekhe hai mujhe, deeda-e-purchashm se vo "meer"

mere hi naseebon men tha ye zehar ka pyaala,