dil men aur duniya men, ab nahin milenge hum,

dil men aur duniya men, ab nahin milenge hum,

waqt ke hamesha men, ab nahin milenge hum,

apni betaqaazai, apni bewajah thehri,

haal-e-purtaqaaza men, ab nahin milenge hum,

bood ya naabood apni, ik gumaan thi apna,

yaani, yaa, main aur, yaa men, ab nahin milenge hum,

ab nahin milenge hum koocha-e-tammanna men,

koocha-e-tamanna men, ab nahin milenge hum,

ek khwaab tha deroz, ik fusoon tha imroz,

aur kisi bhi fardaa men, ab nahin milenge hum,

ab junoon hai apna, goshaageer-e-tanhaai,

so dayaar-o-sehraa men, ab nahin milenge hum,

harfzan na honge lab, jaavidaan khamoshi men,

haan kisi bhi m`aanaa men, ab nahin milenge hum,

zindagi shitaabaan hai, shehar-e-khaft ki jaanib,

shehar-e-shor-o-gogaa men, ab nahin milenge hum,

ek haal-e-behaali, dil ka taur thehraa hai, 

haal-e-haalat-e-afzaa men, ab nahin milenge hum,