Jab jaante taaseer ke dushman bhi wahaan se

Jab jaante taaseer ke dushman bhi wahaan se
apni tarah aye gardish e ayyaam nikaltaa

har ek se us bazm mein shab poochte the naam
thaa lutf jo koi miraa humnaam nikaltaa

thi nauhaazani dil ke janaaze pai zaroori
shaayad ke woh ghabraa ke sar e baam nikaltaa

kaa.nTaa sa khaTaktaa hai kaleje mein ghum e hijr
yeh kHaar nahin dil se gul andaam nikaltaa

hoore.n nahin ''momin'' ke naseebo.n mein, jo hoti.n
butkHaane hi se kyun yeh badnaam nikaltaa

Momin KHaa.n ''Momin''