Kab talak ye sitam uThaaiyega,

ek din yoon hi jee se jaaiyega,

shaql-e-tasveer, bekhudi kab tak,

kisoo din aap men bhi aaiyega,

sabse mil chal, ke haadse se phir,

kahin dhoondha bhi to na paaiyega,

kahiyega usse qissa-e-majnoon,

yaani parde men gam sunaaiyega,

uske paabos ki tavaqq`a par,

apne taeen khaak men milaaiyega,

uske paaon ko jaa lagi hai hina,

khoob se haath use lagaiyega,

apni dedh eint ki judi masjid,

kisi veerane men banaiyega,

shirkat-e-shekh-o-birahaman se "meer"

kaabaa-o-dair se bhi jaaiyega,

Meer

Shayari Ke Phool