kahee.n chaand raahon mein kho gaya kahee.n chaandni bhi bhatak gai

kahee.n chaand raahon mein kho gaya kahee.n chaandni bhi bhatak gai
main chiraagh wo bhi bujha hua meri raat kaise chamak gai

kabhi ujla ujla sa naam hoon, kabhi khoya khoya kalam hoon
mujhe subha kirnon se bhar gai mujhe shaam phoolon se dhak gai
...
tujhe bhool jane ki koshishen kabhi kaamyaab na ho sakeen
teri yaad shaakh-e-gulaab hai jo hawa chali to lachak gai

tere haath se mere hont tak wohi intezaar ki piyaas hai
mere naam ko jo sharab thi kaheen raaste mein chalak gai

kabhi hum milay bhi to kiya milay wohi dooriyan wohi faasle
na kabhi humare qadam barhe na kabhi tumhari jhijhak gai

meri daastan ka urooj tha teri narm palkon ki chhaaon mein
mere saath tha tujhe jaagna teri aankh kaisay jhapak gai

Bashir Badr