KHushi se ranj kaa badlaa yahaan nahin miltaa

KHushi se ranj kaa badlaa yahaan nahin miltaa
wo mil gaye to mujhe aasmaa.n nahin miltaa

hazaar DhoonDiye us kaa nishaa.n nahi.n miltaa
jabee.n mile to mile aastaa.n nahin miltaa

majaaz aur haqeeqat kuch aur hai ya'ane
tiri nigaah se teraa bayaa.n nahin miltaa

BhaDak ke shaa'ilaye gul tu hi ab lagaa de aag
ke bijliyo.n ko meraa aashiyaa.n nahin miltaa

wo badgumaa.n ke mujhe taab e ranj e zeest nahin,
mujhe ye ghum ke ghum e jaavidaa.n nahin miltaa

tiri talaash kaafi iljumla maa hasl ye hai
ke tu yahaan nahin miltaa,wahaan nahin miltaa

mujhe bule ke yahaan aap chhup gayaa koi,
wo mehmaa.n hoon jise mezbaa.n nahin miltaa

tujhe kHabar hai tere teer e bepanaah ki kHair,
bahut dino.n se dil e naatwaa.n nahi.n miltaa

Kisi ne tujhko naa jaanaa magar ye kum jaanaa
ye raaz hai ke koi raazdaa.n nahin miltaa

mujhe ghurez sahi,qadr e dil tumhe.n kyun ho
kami to dil ki nahin, dil kahaan nahin miltaa

dayaar e umr mein qaht e mahr hai ''Faani''
koi ajal ke sivaa mehrbaa.n nahin miltaa

Faani Budaayuni