Magan Kis Dhun Main Apne Aap Ko Din Raat Rakhta Hai

Magan Kis Dhun Main Apne Aap Ko Din Raat Rakhta Hai
Najaane Aaj Kal Wo Kaise Ma'amolaat Rakhta Hai

Hamaari Guftogoo Kis Roz Kis Manzil Pe Ponchi Thi
Balaa Ka Hafizaa Hai Yaad Woh Har Baat Rakhta Hai

Agar Naala'an Hun Main Us Se Tou Woh Bhi Khush Nahi Mujh Se
Mere Jaise Hi Woh Mere Liye Jazbaat Rakhta Hai

Asaasa Us Ke Kamrey Ka Hain Kuch Maghmoom Aawazein
Darwaazon Pe Muqfil Hijr Ke Naghmaat Rakhta Hai

Buht Gehra Hai , Us Ki Zaahiri Halat Pe Mut Jana
Woh Seene Main Pahaaron Se Barey Sadmaat Rakhta Hai

Usey Kia Chaand Se Bhi Koi Dilchaspi Nahi Saajid
Woh Apni Khirkiyon Ko Band Kyon Din Raat Rakhta Hai

Aitbaar Sajjaad