Main ke phir dasht-e-rafaqat ka safar kar aya

Main ke phir dasht-e-rafaqat ka safar kar aya
kya kahon kitni aziyat se guzar kar kar aya

Her koi hum se mila umr-e-gurezan ki tarah
wo to jis dil se bhi guzra waheen gher kar aya
...
Tum ne ek sang uthaya mere aaine per
aur her shakhs ko main aaina gar kar aya

Mujh se kya pochte ho shehar-e-wafa kaisa hai
aisa lagta hai salebon se utar kar aya

Sirf chehre hi agar karb k aaine hain
kyon na main dil ka lahu aankh mein bhar kar aya

Ab jo us shehar ki taqdeer ho, main to logo
dar-o-dewar pe hasrat ki nazar kar aya

Hum to samjhe thay mohabbat ka payambar hai Faraz
aur wo bemehar bhi tauheen-e-hunar kar aya

Ahmad Faraaz