Main tujhe chaahtaa nahin lekin...

Main tujhe chahta nahi.n lekin...

phir bhi jab paas tu nahi.n hoti
khud ko kitna udaas pata hoon
gum se apne hawaas pata hoon 
jaane kya dhun samaai rehti hai
ik khamoshi si chhaai rehti hai
dil se bhi guftugu nahi.n hoti

main tujhe chahta nahi lekin...

phir bhi shab ki taweel khalwat main
tere auqaat sochta hoon main
teri har baat sochta hoon main
kaun se phool tum ko bhaate hain
rung kya kya pasand aate hain
kho sa jaataa hoon teri jannat main

main tujhe chahta nahi.n laikin...

phir bhi ehsaas se nijaat nahi
sochta hoon toh ranj hotaa hai
dil ko jaise koi Dubota hai
jis ko itna sraahtaa hoon main
jis ko is darja chaahta hoon main
us main teri si koi baat nahi

main tujhe chahta nahi.n laikin.......