Naam zere aasmaa.n baaqi rahaa,

Naam zere aasmaa.n baaqi rahaa,

mar miTo.n kaa yun nishaa.n baaqi rahaa

uske dar par jabee.nzaa.n laakho hue

phir bhi sange aastaa.n baaqi rahaa

aye gudaaze ghum tujhe khaa jaaongaz

ek bhi gar ustkHwaa.n baaqi rahaa

miT gaye duniyaa ke jalse sainkDo.n,

hai ghaneemat, jo samaa.n baaqi rahaa

aankh apni roz e mahshar khul chuki,

kuch agar kHwaab e garaa.n baaqi rahaa

dillagi ho jaayegi zere mazaar

tu jo aye dard e nihaa.n baaqi rahaa

aazmaayi hai muravvat hi abhi

imtehaa.n saa imtehaa.n baaqi rahaa

haal kuch naa daavre mahshar na kuch

haal mujhme.n ab kahaa.n baaqi rahaa

jaa chukaa aye ''Daagh'' sab maalo mataa'a

shukr hai lutf e zabaa.n baaqi rahaa

Daagh