naye kapDe badal kar jaon kahan aur baal banaon kis k liye

naye kapDe badal kar jaon kahan aur baal banaon kis k liye
wo shakhs to shehar hi chor gaya main bahar jaon kis k liye

jis dhoop ki dil mein thandak thi wo dhoop usi k saath gai
in jaldi balti galiyon mein ab khaak urraon kis k liye
...
wo shehar mein tha to us k liye auron se bhi milna parta tha
ab aisay waisay logon k main naaz uthaon kis k liye

ab shehar mein us ka badal hi nahi koi waisa jaan-e-ghazal hi nahi
ewaan-e-ghazal mein lafzon k guldaan sajaon kis k liye

muddat se koi aaya na gaya sunsaan pari hai gher ki fiza
in khaali kamron mein Nasir ab shamma jalaon kis k liye

Naasir Kaazmi